Inglés

O Centro de Linguas Modernas da USC ofrécelles á comunidade universitaria e a todas as persoas interesadas, maiores de 18 anos, cursos de inglés, adaptados aos niveis B1, B2, C1 e C2 do Marco Europeo Común de Referencia para as Linguas (MECRL).

Poden abarcar 50 ou 100 horas, combinando de diversos xeitos a presencialidade e o traballo autónomo tutelado, e ter carácter semestral ou anual. Tamén se ofrecen cursos intensivos no verán.

A realización dos cursos de inglés como lingua estranxeira no CLM dá dereito ao recoñecemento de créditos ECTS nos estudos de grao.

Tamén se ofrecen sesións de conversa en liña ou presenciais nos niveis medio e avanzado, cun nivel mínimo de B1. A actividade de conversas comprende 15 sesións de 40 minutos de duración cada unha. Son principalmente conversas en liña, polo que é imprescindible que a imaxe e o son do equipo utilizado sexan de calidade. As conversas en liña son para un máximo de 4 alumnos/as e de 6 para as presenciais.  

Para acreditar os teus coñecementos lingüísticos tes varias vías na USC:

• Aprobar un curso de inglés do CLM da USC que complete un nivel do MECRL.
• Presentarte ás probas de competencia lingüística de inglés do CLM.
• Achegar un título ou diploma que estea recoñecido pola institución diante da que te debas acreditar.

Nos estudos de grao da USC poden recoñecerse créditos por competencias transversais, por exemplo, por actividades de formación en linguas.

A realización dos cursos de inglés no CLM dá dereito ao recoñecemento de créditos ECTS nos estudos de grao, desde os 3 ECTS do B1 ata os 6 ECTS do C2 (por cada 25 horas de curso, os estudantes reciben 1 ECTS, podendo obter ata un máximo de 6 ECTS).