Nova sesión do curso de Competencias Profesionais dos Economistas

‘O exercicio da profesión na empresa: Área Financeira’ será o eixo temático dunha nova sesión do curso de Competencias Profesionais do Economista que organiza a Aula de Práctica Empresarial. Na xornada, que se celebrará a partir das 12:00 horas na Aula 28 da Facultade de Ciencias Económicas e Empresariais, intervirán o director xeral do Banco Etcheverría e o director de Banca Privada e Mercado da mesma entidade Francisco Botas Ratera e Juan Luis Vargas-Zúñiga, respectivamente.
A seguinte sesión do curso celebrarase o próximo venres, día 27, e nela o portavoz suplente do Grupo Parlamentario Socialista, Xaquín Fernández Leiceaga, e o presidente de REAF, Jesús Sanmartín Mariñas, reflexionarán sobre as particularidades do traballo nunha área de xerencia e dirección. Esta intervención desenvolverase igualmente a partir das 12:00 horas na Aula 28 da Facultade de Ciencias Económicas e Empresariais.