O Campus Terra de Lugo, promovido pola Universidade de Santiago de Compostela, nace como resultado do acordo entre a USC e a Secretaría Xeral de Universidades, dependente da Consellería de Cultura, Educación e Universidade da Xunta de Galicia, coa intención de transformar o campus de Lugo nun referente científico e social nos ámbitos de coñecemento vinculados á sustentabilidade económica, social e medioambiental do uso da TERRA.
PICTERRA
A través do buscador PICTERRA o Campus Terra da Universidade de Santiago de Compostela; campus especializado na sostibilidade económica, social e medioambiental do uso da terra, pon ao servizo da sociedade as capacidades e o coñecemento de máis de 50 grupos de investigación que desenvolven as súas investigacións neste Campus, en áreas tan estratéxicas como a produción vexetal e agricultura sostible, a produción e saúde animal sostibles, alimentación segura e saudable ou produción forestal sostible.
No PICTERRA recollerase información básica e actualizada sobre a denominación, composición, contacto, servizos e liñas de investigación que desenvolven os grupos de investigación.
Namentres, para calquera consulta, pódese contactar directamente co Equipo Técnico de Campus Terra: campus.terra [at] usc.es (campus[dot]terra[at]usc[dot]es) / 982 82 28 00
Actualidade
O millo galego, chave para a produción de alimentos gourmet na alta cociña europea
Un proxecto do Campus Terra da USC está a testar a produción de huitlacoche, un alimento tradicional mexicano, a partir da inoculación dun fungo en mazarocas galegas que servirían para fornecer a cociña de autoría
Leer más
BIO_MARTERRA explora as propiedades bioestimulantes das algas mariñas para reducir o estrés das plantas terrestres
O grupo operativo no que participa o Campus Terra da USC pretende acadar a comercialización destes extractos e convertelos “nun produto innovador e sustentable, nunha clara aposta pola economía circular e azul”
Leer más
Avanzan as obras de rehabilitación do Muíño de Olga para transformalo en centro de referencia arredor dos recursos hídricos
Estudantado da Escola Politécnica Superior de Enxeñaría do Campus de Lugo visitou os traballos de adecuación deste espazo e descubriu a orixe e características principais que converten en “singular” este lugar que será clave na transferencia de coñecemento
Leer más