23, 30 de outubro e 6 e 13 de novembro de 2024
Xosé Antonio Neira
O reino de León conta con distintas primacías en Europa por mor de fitos singulares: o primeiro parlamento do mundo creouse neste reino medieval, e tamén nel foi monarca a primeira muller que ostentou a condición de raíña propietaria en Europa. Eclipsado paulatinamente por Castela, o reino leonés acabou desaparecendo na amalgama da monarquía hispánica. Porén, fican os seus vestixio: desde os literarios ata os artísticos, con verdadeiros cumios como o que representa a marabilla gótica da Pulchra leonina.