Doutorarse con perspectiva de xénero

Alumnado obxectivo: Estudantes da EDIUS. neste curso abordarase a situación do alumando que se atopa desenvolvendo un doutoramento con perspectiva de xénero, ofrendo ferramentas e estratexias para o afrontamento e a resolución dos distintos pasos do proceso investigador, desde un marco teórico-práctico feminista. así, revisaranse os diferentes casos de teses que incorporen a devandita perspectiva, acompañando as dificultades propias deste tránsito académico, incidindo nas particularidades dun doutoramento con perspectiva de xénero. neste senso, abordaranse os posibles problemas que poidan presentar os distintos traballos, as dificultades e preocupacións do alumnado, na busca de solucións potenciais; descubrindo e analizando alternativas con respecto á inclusión de ideas, mais, tamén, no relativo á expresión con linguaxe inclusiva, tanto na fase de redacción como de cara á súa defensa. fomentarase a (auto- e co-)avaliación dos diferentes proxectos e propostas, -re-situando os traballos desde a singularidade de cada caso-, recoñecendo e poñendo en valor a importancia das súas contribucións en prol do desenvolvemento dun coñecemento, dunha ciencia, máis relevante para a sociedade.