Para conmemorar o 11 de febreiro, Día Internacional das Mulleres e as Nenas na Ciencia, promóvese un programa de actividades de sensibilización na USC
Actividades relacionadas co 11F
Unha enxeñeira ou científica en cada cole. 11ª edición
- Obxectivo: visibilizar referentes femininos nas disciplinas coñecidas como CTEM (Ciencia, Tecnoloxía, Enxeñaría e Matemáticas) mediante a realización de obradoiros.
- Dirixido: alumnado de 4.º Primaria.
- Data: ao longo dos meses de febreiro e marzo.
- Organiza: Oficina de Igualdade de Xénero, coa colaboración do concello de Santiago.
- Máis información: Unha enxeñeira ou científica en cada cole
Ciencia X Mulleres. Facultade de Bioloxía
- Obxectivo: Dende o día 09 ata o 28 de febreiro de 2026, na facultade de Bioloxía da USC, poderase visitar a exposición “Ciencia X Mulleres”. A exposición trata de visibilizar o traballo da investigación feita por mulleres da facultade de Bioloxía. Trátase dunha mostra de pósters de diferentes tamáticas presentados en congresos e outro tipo de eventos similares.
A exposición estará situada nos corredores da planta baixa da Facultade de Bioloxía, sendo o acceso libre. - Dirixido: alumnado e PDI.
- Data: Do 09/02/2026 ó 28/02/2026
- Organiza: Comisión de igualdade de xénero da facultade de Bioloxía
- Máis información: https://www.usc.gal/gl/centro/facultade-bioloxia/eventos/actividades-dia-internacional-muller-nena-ciencia-11-febreiro
Masterclass Internacional de Física de Partículas polo 11F do IGFAE
- Obxectivo: achegar a física de partículas ás alumnas preuniversitarias de Galicia, fomentando o seu interese por unha disciplina moi masculinizada, na que persiste unha notable fenda de xénero. As estudantes poderán desfrutar dunha xornada de convivencia e traballo con datos reais do CERN, colaborando con investigadoras do IGFAE e do propio CERN
- Dirixido: alumnas de 1º bacharelato de centros educativos de toda Galicia. Formulario de inscrición (aberto ata o 30 de xaneiro)
- Data: 11 de febreiro de 2026, a partir das 9.45 horas, na sede do IGFAE
- Organiza: IGFAE, coa colaboración da Organización Europea para a Investigación Nuclear (CERN) e o Grupo Internacional de Divulgación de Física de Partículas (IPPOG)
- Máis información:
CientífiQas: Ciencia feita por mulleres no CiQUS
- Obxectivo: CientifiQas: ciencia feita por mulleres no CiQUS é un encontro entre estudiante de bacharelato e investigadoras do centro para sensibilizar aos máis novos sobre esta cuestión. Os participantes coñecerán a investigación que realizan as mulleres no CiQUS, adentrándose nos laboratorios do centro onde serán recibidos por investigadoras que se atopan en distintas etapas da súa carreira profesional e que compartirán a suas experiencias cos máis novos. A maiores, o alumnado tamén poderá percorrer as instalacións e coeñecer o equipamento científico do centro.
- Dirixido: Estudiantes de Bacharelato
- Data: 11 de febreiro de 2026, de 10:00h a 11:30h, no CiQUS da USC.
- Organiza: Centro Singular de Investigación en Química Biolóxica e Materiais Moleculares (CiQUS)
Referentes femininos na investigación ambiental: CRETUS celebra o 11F co alumnado do IES de Sar
- Obxectivo: Investigadoras de CRETUS guiarán ao alumnado por un percorrido interdisciplinar e socialmente comprometido, mostrando de primeira man o traballo que se desenvolve no centro. A actividade busca poñer en valor o papel das mulleres na ciencia ambiental e inspirar vocacións desde múltiples áreas do coñecemento. Durante a xornada, o alumnado poderá coñecer proxectos punteiros financiados polo Consello Europeo de Investigación, como son o PollutedPast e o EqualSea, e dialogar coas investigadoras, que compartirán as súas experiencias, proxectos e traxectorias profesionais, amosando como a multidisciplinaridade amplía as oportunidades de carreira científica. O alumnado tamén participará en actividades prácticas, como o deseño de tecnosolos, videoxogos educativos sobre lixo mariño ou aplicacións biotecnolóxicas
- Dirixido: Alumnado de 4ºESO e 1ºBachillerato de Ciencias do IES SAR
- Data: 11 de febreiro de 2026, ás 11.30 h, na sede do CRETUS
- Organiza: A Comisión de Igualdade de Xénero e investigadoras do CRETUS
- Máis información: CRETUS celebra o 11F co alumnado do IES de Sar | Cretus
Seminario 'As mulleres viaxeiras na configuración histórica do turismo: achegas e influencia'. Centro de Estudos e Investigacións Turísticas (CETUR)
- Obxectivo: traballar o turismo desde unha perspectiva de xénero e a través da interseccionalidade.
- Dirixido: todo o público. Inscrición previa https://forms.gle/e96qRKYm7XBLXvfj6
- Data: 11 de febreiro de 2026. Horario de 16.00h a 17.30h
- Organiza: Tourgen en colaboración co entro de Estudos e Investigacións Turísticas (CETUR)
- Máis información: grupo.tourgen [at] gmail.com (grupo[dot]tourgen[at]gmail[dot]com)
Xornada de portas abertas no Instituto de Materiais da USC (iMATUS)
- Obxectivo: No iMATUS estamos comprometidos coa igualdade de Xénero e cremos que este día é unha excelente oportunidade para despertar vocacións científicas e romper estereotipos. Poder desfrutar dunha xornada de portas abertas co mundo dos materiais e coñecer o iMATUS.
- Dirixido: Centros educativos de primaria, secundaria e formación profesional e todo o público interesado. Previa inscrición no enderezo imatus.info [at] usc.es (imatus[dot]info[at]usc[dot]es)
- Data: 11 de febreiro de 2026. dende as 16:00h ata as 19:00horas, na sede do iMATUS
- Organiza: Comisión de Igualdade de Xénero e o Persoal de iMATUS.
- Máis información:
- web: https://imatus.usc.es/
- rede sociaL: @imatus.bsky.social on Bluesky
Jane, a mellor amiga dos chimpancés. Museo de Historia Natural
- Obxectivo: Con motivo do Día Internacional da Muller e da Nena na Ciencia, o Museo de Historia Natural da Universidade de Santiago de Compostela organiza o 11 de febreiro unha xornada especial protagonizada por Jane Goodall, unha das científicas máis salientables da historia no estudo dos primates.
Durante esta visita guiada, Jane acompañará ao público polas distintas salas do museo para falar dos seus queridos chimpancés e doutros primates: como viven, como se organizan en sociedade, como coidan das súas crías e que aprendizaxes nos ofrecen sobre a evolución humana. Esta actividade pon en valor o papel das mulleres na ciencia e convida a reflexionar sobre a conservación da biodiversidade e a responsabilidade que temos na protección das especies ameazadas. - Dirixido: Todo o público
- Data: 11/02/2025, 16.30 e 17.30 horas
- Organiza: Museo de Hisotria Natural
- Máis información: Jane, a mellor amiga dos chimpancés | Universidade de Santiago de Compostela
As mulleres na Ciencia: Existir, Resistir e Transformar. Facultade de Psicoloxía
- Obxectivo: Visibilizar o papel das mulleres na ciencia, analizar as barreiras históricas e actuais que enfrontan, e reflexionar sobre as transformacións necesarias para avanzar cara a unha ciencia máis igualitaria e diversa
- Dirixido: toda a comunidade universitaria
- Data: 11 de Febreiro ás 17h., no salón de actos da Facultade de Psicoloxía
- Organiza: Comisión de Igualdade da Facultade de Psicoloxía
Mulleres que investigan o oculto: descubrindo os Solenogastres (Molusca) como modelo para integrar taxonomía, ecoloxía e evolución”. Facultade de Bioloxía
- Obxectivo: Conferencia da investigadora María do Carmen Cobo, egresada da facultade de Bioloxía e actualmente investigadora asociada no departamento de zooloxía do Museo Nacional de Historia Natural de París. A investigadora presentará a súa investigación sobre Solenogastres e informará tamén sobre vías de investigación interesantes para os estudantes de facultades de ciencias empíricas.
- Dirixido: alumnado e PDI.
- Data: Do 11/02/2026, 19:30, Salón de Graos da facultade de Bioloxía
- Organiza: Comisión de igualdade de xénero da facultade de Bioloxía
- Máis información: https://www.usc.gal/gl/centro/facultade-bioloxia/eventos/actividades-dia-internacional-muller-nena-ciencia-11-febreiro
Living Science. Investigadoras contra o cancro. Center for Research in Molecular Medicine and Chronic Diseases (CiMUS)
- Obxectivo: O CiMUS da USC celebra un ano máis o Día da Muller e a Nena na Ciencia. Nesta ocasión, faino colaborando coa Asociación Española Contra o Cancro de Santiago de Compostela nun ciclo de talleres divulgativos orientados a espertar vocacións científicas entre uns 80 alumnos e alumnas de 4º de Primaria de entre 9 e 10 anos. "Living Science" (Ciencia Viva) é a lema elixido para achegar a ciencia a través de sesións sobre prevención do cancro de pel e a importancia da protección solar, alimentación e hábitos de vida saudable, contido de azucre en refrescos, extracción de ADN, coñecemento sobre a célula, moléculas ou compoñentes do sangue, saúde cardiovascular ou o estudo da temperatura corporal. O programa completarase, ademais, con xogos de memoria e coñecemento de famosas mulleres que marcaron o coñecemento científico ao longo da historia a través dos seus inventos e descubrimentos. Xúntase programa.
- Dirixido: Dirixido a alumnado de 4º de Primaria (80 alumnos e alumnas). Colexio invitado: CEIP Lamas de Abade (Santiago de Compostela)
- Data: 12/02/2025, de 10:00 a 13:30 horas. Hall do CiMUS.
- Organiza: O CiMUS e a xunta compostelá da Asociación Española contra el Cáncer de A Coruña
- Máis información: https://cimus.usc.gal/index.php/gl/evento/xornada-11f-living-science-investigadoras-contra-o-cancro-1
Protagonistas, as enxeñeiras. Escola Politécnica Superior de Enxeñaría (EPSE)
- Obxectivo: Programa “Protagonistas as enxeñeiras”, continuando coas accións de visibilización do noso traballo en centros de ensino secundario da cidade, de cara á celebración o 11 de febreiro do día internacional da muller e da ciencia, queremos unha nova xornada coma en cursos anteriores que contará cos seguintes obradoiros e profesoras responsables, que ademáis estarán acompañadas de alumnas de Enxeñaría da EPSE que voluntariamente se unen á actividade:
- Voo de drons Mariluz Gil
- “Micro-Aliens” contra as pragas Cristina Cabaleiro
- Desenvolvemento de produtos de madeira estrutural María Portela Barral e Mónica Ruy
- O esqueleto dos edificios Elena Fernández e María López Villar
- Non malgastedes a auga Helga Peral e Teresa Teijeiro
- Variando a velocidade María Dolores Fernández
- Enxeñaría aplicada para detectar cancro/Xogos serios e IA para detectar enfermidades neuro-psicolóxicas Beatriz Blanco Besteiro (12-13h) e Sonia María Valladares Rodríguez (13-14h)
Contaremos coa presenza da Directora da EPSE e da presidenta da CIX do centro para dar a benvida.
Colaboran ademáis membros da comisión de igualdade de Xénero da EPSE e alumnado no desprazamento do alumnado visitante.
- Dirixido: Alumnado de 4ª de ESO. A promoción foi realizada entre tódolos centros de ensino secundario do concello de Lugo e está pechada co IES Sanxillao, que fixo unha solicitude para 37 persoas.
- Data: 12/02/2026 de 11 a 14 h
- Organiza: Comisión de Igualdade de Xénero da Escola Politécnica Superior de Enxeñaría, financiada polo Concello de Lugo e cá colaboración do Campus Terra
Taller Micromachismos na Ciencia, na Escola Técnica Superior de Enxeñaría (ETSE)
- Obxectivo: A actividade Micromachismos na ciencia propón un espazo de reflexión e participación dirixido ao estudantado da ETSE para identificar e analizar situacións cotiás de micromachismo no ámbito académico e científico. O obxectivo é visibilizar comportamentos e estereotipos de xénero que adoitan a pasar desapercibidos, pero que inflúen no clima da escola e no futuro profesional do estudantado. A través dunha sesión práctica e colaborativa, traballarase na posta en común de experiencias reais e na procura de estratexias que axuden a construír un entorno universitario máis xusto, inclusivo e libre de sesgos.
- Dirixido: Todo o estudantado da ETSE, previa inscripción.
- Data: 12/02/2026 de 12 a 14 horas na Aula de Proxectos na ETSE.
- Organiza: Comisión de Igualdade da ETSE
- Máis información: https://www.usc.gal/gl/centro/escola-tecnica-superior-enxenaria/eventos/taller-micromachismos-ciencia
Educación en feminino: Un paseo pola historia
- Obxectivo: configurada por 37 paneis de tamaño A2 que recollen o perfil biográfico e pedagóxico de medio centenar de mulleres de diferentes épocas, xeografías, especializacións e tendencias pedagóxicas que, malia os atrancos padecidos pola súa condición feminina, conseguiron realizar un desempeño profesional na práctica, meritorio e referencial, das Ciencias da Educación.
A exposición, que xa vai pola súa novena edición, representa o produto final do traballo do alumnado da materia “Teoría e Historia da Educación Escolar” (1º curso e 1º semestre do Grao en Mestra/Mestre de Educación Primaria e do Dobre Grao Mestra/Mestre de Infantil+Primaria), leccionada polo profesor Francisco X. Candia. A iniciativa forma parte dun proxecto de aprendizaxe-servizo recoñecido no catálogo de proxectos ApS da USC para o curso 2025-26.
Coa mostra preténdese visibilizar e poñer en valor o labor que todas as mulleres educadoras viñeron realizando ao longo do tempo, desde a Antiga Grecia ata a Galiza moderna, un esforzo individual e colectivo non sempre ben recoñecido, e mesmo ás veces silenciado, pero que deixou como remol un meritorio legado que posibilitou a progresiva consolidación dos alicerces da acción educacional, ata chegarmos aos nosos días. - Dirixido: Todo o público
- Data: Do 18 ao 23 de febreiro. Horario habitual de apertura da Facultade, no vestíbulo secundario de entrada.
- Organiza: Facultade de Formación do Profesorado do Campus de Lugo
Mesa redonda: A carreira investigadora. Facultade de Ciencias
- Obxectivo: Promover a visibilidade do papel das mulleres na ciencia e fomentar o acceso e a participación plena e equitativa de mulleres e nenas nos ámbitos científicos e tecnolóxicos, contribuíndo a rachar estereotipos de xénero e inspirar vocacións científicas nas novas xeracións.
- Dirixido: Todo o público
- Data: Será o 20 de febreiro, ás 11 no Salón de Actos da Facultade de Ciencias
- Organiza: Comisión de Igualdade de Xénero da Facultade de Ciencias
- Máis información: Día Internacional da Muller e da Nena na Ciencia | Universidade de Santiago de Compostela
Entrevistas investigadoras do iARCUS
- Obxectivo: iARCUS fixo unha rolda de entrevistas entre as investigadoras do instituto para coñecer os seus retos como investigadoras, os seus referentes, e os seus consellos para futuras científicas.
- Dirixido: Todo o público. En liña.
- Data: Todo o ano en LinkedIn, Bluesky, e Instagram
- Organiza: iARCUS, Instituto de Investigación do Medio Acuático para Unha Saúde Global