Microcredencial Universitaria en Habilidades Prelaborais para a Búsqueda Activa de Emprego

O curso que se oferta enmárcase no Plan para o Desenvolvemento de Microcredenciais Universitarias (Plan Microcreds), financiado a través dos fondos Next Generation da Unión Europea, no marco do Plan de Recuperación, Transformación e Resiliencia, concretamente no Compoñente 21, Investimento 6.

Esta iniciativa ten como obxectivo impulsar unha nova oferta de microcredenciais universitarias orientadas á recualificación da poboación adulta, mediante accións formativas breves, flexibles e modulares, enfocadas á adquisición de habilidades e competencias específicas demandadas no mercado laboral.

Neste contexto, o curso destínase especificamente á formación de mulleres vítimas de trata con fins de explotación sexual e/ou mulleres en contextos de prostitución, usuarias dos servizos de Cáritas Diocesana de Santiago a través do Programa Vagalume.

A través desta acción formativa preténdese dar resposta á falta de formación en habilidades prelaborais das usuarias do Programa Vagalume, dotándoas de ferramentas básicas para a busca activa de emprego, a participación en procesos de selección e a incorporación ao mercado laboral.

Así mesmo, traballaranse competencias transversais fundamentais para o mantemento dun posto de traballo, co obxectivo de mellorar a súa empregabilidade, favorecer a súa autonomía persoal e impulsar a súa inclusión sociolaboral e empoderamento.