O día 24, remata o prazo de matrícula para as probas de idioma estranxeiro B1

O período de matrícula para as probas de idioma estranxeiro B1, que deben acreditar todos os estudantes para a obtención do título de grao e do Máster de Profesorado de Secundaria, permanece aberto ata o día 24 deste mes. Os exames escritos están previstos para o 28 de maio, mentres que as probas orais serán os días 11 e 18 de xuño.
Trátase da segunda convocatoria deste tipo de exames de idioma organizados na súa totalidade polo Centro de Linguas Modernas. Para máis información, as persoas interesadas deben acudir ao Negociado do Centro de Linguas Modernas, na Facultade de Filoloxía, nos teléfonos 981547062, 981563100 ext. 11757 ou no e-mail cen081 [at] si.usc.es (cen081[at]si[dot]usc[dot]es)