O Nobel de Química en 2006, Roger Kornberg, terceiro convidado do Programa ConCiencia

O Premio Nobel de Química en 2006, o estadounidense Roger Kornberg, achégase estes días a Santiago de Compostela para participar no Programa ConCiencia que, organizado pola USC e o Consorcio de Santiago, chega este ano á súa cuarta edición convertido nunha das accións de divulgación científica de máis impacto social de Galicia.
Kornberg acadou o Nobel polos seus traballos sobre un dos elementos clave da vida como é a transcrición dos xenes, seguindo os pasos do seu pai, Arthur Kornberg, quen hai 50 anos compartira o Nobel de Medicina con Severo Ochoa.
O profesor da Universidade de Stanford reunirase este venres 12, ás 12:30 horas no Centro de Estudos Avanzados, con investigadores da USC. Xa o luns 15 ofrecerá a conferencia ‘Ciencia básica, a esperanza do progreso’ ás 20:00 horas no Teatro Principal da cidade.