Remata o prazo para presentar traballos ao Certame de literatura en lingua galega '150 aniversario da Facultade de Farmacia'

O vindeiro xoves, día 31, remata o prazo para a presentación de orixinais ao Certame de literatura en lingua galega ‘150 aniversario da Facultade de Farmacia’, nas modalidades de verso e relato.
Convocado pola Comisión Organizadora dos actos conmemorativos do 150 Aniversario e patrocinado polo Colexio Oficial de Farmacéuticos da Coruña, o certame está a ter unha boa acollida á vista das obras recibidas ata agora, segundo informaron os organizadores. As bases do Certame pódense atopar na paxina web do 150 Aniversario.