Os gañadores da fase local da XVIII Olimpiada Española de Física recibiron os seus premios

Os estudantes das tres Universidades galegas que se clasificaron na fase local da XVIII Olimpíada Española de Física asistiron este xoves na USC a un acto no que se lles fixo entrega dos seus premios correspondentes. Baixo a presidencia do vicerreitor de Oferta Docente e Espazo Europeo de Educación Superior, Máximo Plo, e coa asistencia de representantes das Universidades de Santiago, Vigo e A Coruña, o acto tivo lugar na Aula Magna da Facultade de Física.
Os nove estudantes premiados, tres por cada Universidade, participarán do 13 ao 16 de abril na fase nacional da Olimpíada que se celebrará en Xaén.