Clausura do Campionato Galego Universitario de Deportes Colectivos

O Pavillón Polideportivo da USC acolle hoxe mércores, ás 19:30 horas, a entrega de premios aos mellor clasificados do Campionato Galego Universitario de Deportes Colectivos que se celebrou durante toda a xornada de hoxe en Santiago coa participaron de preto de 150 deportistas.
Ao acto asisten o vicerreitor de Cultura da USC, Elías Torres Feijóo, o subdirector xeral de Deportes da Consellaría de Cultura da Xunta de Galicia, Ramón Brigos Fernández, e o concelleiro de Deportes do Concello de Santiago, Manuel Portas Fernández.
Na clausura do campionato premiarase aos equipos mellor clasificados das tres universidades en fútbol masculino; fútbol 7 feminino; e baloncesto, balonmán, fútbol sala e voleibol, todas estas nas súas modalidades masculina e feminina. Os equipos participantes chegaron a esta fase final logo de clasificarse nas probas previas de cada universidade, nas que participaron preto de 10.000 participantes.