Comezou o trofeo 'Consello Social da USC', conmemorativo do 150 aniversario da Facultade de Farmacia

Cun encontro de fútbol-7 comezou este luns no campo de fútbol da Universidade o Torneo Deportivo Consello Social da USC conmemorativo do 150 Aniversario da creación da Facultade de Farmacia. Na xornada celebrouse tamén unha eliminatoria do campionato de baloncesto e catro correspondentes a fútbol sala.
O número de equipas participantes é de 27, das que 15 son de fútbol sala, 6 de fútbol-7, outras tantas de baloncesto e 12 de fútbol sala feminino. O trofeo, que se xogará polo sistema de eliminatorias en todos os deportes e modalidades, celebrarase nas instalacións deportivas da USC ata o venres día 30 de novembro, estando previsto que as finais teñan lugar ese mesmo día pola tarde.