A USC obtivo unha medalla de prata e outra de bronce no Campionato Galego Universitario de Voleipraia

Os equipos da USC integrados por Margarita Echevarría e Lucilda Paz, e por Narciso Abalo e Jorge Iglesias, conseguiron as medallas de prata e de bronce nas competicións por parellas femininas e masculinas do Campionato Galego Universitario de Voleipraia.
A competición, celebrada o pasado xoves 12 na praia coruñesa de Oza, contou coa participación de estudantes, docentes e PAS das tres universidades galegas; de entre os cales un total de 6 parellas femininas e 5 masculinas representaron á USC.
Os dous equipos composteláns gañadores disputarán agora, do 22 ao 24 de maio, o Campionato de España Universitario de Voleipraia que terá lugar en San Javier, localidade situada en Murcia.