A promoción 2002-07 da Facultade de Farmacia celebra o acto corporativo de licenciatura

A Facultade de Farmacia da USC, que este curso cumpre os seus 150 anos, celebra este sábado, día 5, o acto corporativo de licenciatura organizado conxuntamente polo Decanato do centro e os Colexios Oficiais de Farmacéuticos de Galicia.
O acto, que terá lugar a partir das 18:45 horas na Aula Nova da Facultade de Dereito, estará presidido polo reitor da USC, Senén Barro, e nel intervirán ademais a presidenta do Colexio Oficial de Farmacéuticos da Coruña en representación dos Colexios galegos, Rosa Lendoiro; e o decano da Facultade, José Miñones Trillo.
Logo das intervencións, terá lugar a entrega de placas aos farmacéuticos titores de prácticas tuteladas e de diplomas de Premios Extraordinarios de Licenciatura. Deseguido, os alumnos da promoción 2002-2007 realizarán o xuramento hipocrático e, tras o discurso dun representante dos estudantes, recollerán as súas correspondentes insignias conmemorativas.