Docentes do Departamento de Didáctica das Ciencias Experimentais organizan un obradoiro de xogos matemáticos na Facultade de Ciencias da Educación do Campus Norte

As profesoras do Departamento de Didáctica das Ciencias Experimentais Mª Teresa Fernández Blanco e Mª Jesús Salinas Portugal organizan co gallo do Día Escolar das Matemáticas un Obradoiro de Xogos Matemáticos na Facultade de Ciencias da Educación.
Esta iniciativa, na que colaboran alumnos da materia ‘Desenvolvemento do pensamento matemático e a súa didáctica’, celebrarase entre os días 21 e 25 de maio en horario de 10:00 a 14:00 e de 17:00 a 21:00 horas na Aula María Barbeito da Facultade de Ciencias da Educación (Campus Norte). Ao obradoiro poderán achegarse todas aquelas persoas que desexen poñer a probo o seu enxeño.