Remata a Semana de Benvida de Lugocultural cun Maratón de cine na Facultade de Humanidades

A Semana de Benvida organizada por Lugocultural e que celebrou durante estes días concertos e representacións teatrais no Campus de Lugo chega este venres, día 19, ao seu fin cun maratón de cine na Facultade de Humanidades.
O Grupo fotocinematográfico Fonmiñá colabora con esta actividade para ofrecer o visionado das curtametraxes da Sección Oficial e da película gañadora da última edición da Semana de Cine de Autor de Lugo. O programa comeza ás 20:00 horas coa proxección das curtas, ‘Alma esquencida’, ‘El corazón delator’, ‘Lo que el ojo no ve’, ‘Entaina’, e ‘Lencería de ocasión’. Ás 23:00 horas os asistentes poderán gozar da película gañadora na Semana de Cine, ‘Después de la boda’, dirixida por Susanne Bier no ano 2006.