Grupos de Investigación do Campus de Lugo analizarán os as posibilidades do software libre nunhas xornadas no Cactus lugués

Os grupos de investigación, investigadores en formación e xestores de I+D+i do Campus de Lugo abordarán as posibilidades do software libre nunhas xornadas que se celebrarán este mércores 27 e o xoves 28 no edificio Cactus de lugués.
O curso, organizado pola Vicerreitoría de Investigación e Innovación, pretende amosar aos grupos de investigación unha ampla variedade de plataformas web de código aberto e de utilidade para a xestión de espazos colaborativos asociados a proxectos de I+D+i, a publicación web de revistas científicas ou a creación de repositorios documentais. Os asistentes ás xornadas tamén estudarán o manexo de ferramentas avanzadas de análise de información numérica ou intercomunicación Voip, entre outras. Os profesores serviranse dos exemplos que están a ser empregados na USC para diferentes proxectos e por distintos grupos investigadores.