Un curso de verán presentará o ocio inclusivo como unha ferramenta para a intervención educativa

A Universidade de Verán 2018 ofrece un curso sobre ocio inclusivo como unha ferramenta para a intervención educativa entre os días 3 e 7 de setembro na Facultade de Psicoloxía (Santiago). A matrícula pode formalizarse de xeito presencial ou a través da páxina web ata o próximo 24 de agosto.
O curso, dirixido por Arturo Xosé Pereira Rozas, ofrece unha formación teórico-práctico para persoas con calquera tipo de diversidade funcional. Ademais, pretende dotar de ferramentas os participantes co obxectivo de fomentar a intervención educativa a través do ocio inclusivo. As sesións inclúen contido sobre a educación inclusiva, a diversidade funcional, a importancia dunha comunicación eficaz e a actividade física en relación ao deporte e ocio adaptado.