A BUSC pon a disposición do PDI unha actualización da guía sobre Sexenios de investigación

A Biblioteca Universitaria acaba de actualizar a guía sobre Sexenios de investigación, co fin de ofrecer soporte ao Persoal Docente e Investigador da USC na solicitude de avaliación da carreira investigadora, no marco da convocatoria 2024 que se abre o día 13 de xaneiro e remata o 3 de febreiro. Como novidade, a guía incorpora este ano unha ligazón a un vídeo elaborado pola Fundación Dialnet no que se explican os pasos a seguir dende o Portal de Investigación para descargar informes.  

Para que as dúbidas que xurdan na comunidade universitaria da USC poidan ser aclaradas pola Biblioteca, pódese enviar un correo electrónico a biblioteca.xeral.servizos@usc.gal e/ou dirixirse á biblioteca de referencia na USC de cada PDI. A BUSC estará pendente das posibles aclaracións e respostas a consultas que se reciban da ANECA acerca desta convocatoria, polo que pode haber contidos que se sigan actualizando nas vindeiras semanas.