Esta rede está constituída por máis de 1.000 puntos de acceso en máis de 100 edificios, configurando unha das redes sen fíos máis extensas de Galicia. Todos os puntos están preparados para funcionar nas bandas de 2,4 G e 5 Ghz. soportando os estándares 802.11.b/g/n/ac.
A rede wifiusc-web está concibida coma unha rede de uso puntual e non é recomendada para un uso habitual, tanto polas limitacións de velocidade como por non dispoñer de seguridade avanzada.
A súa vantaxe é que non precisa a instalación de ningún software para a autenticación do usuario xa que esta realízase mediante un portal web no momento de iniciar a navegación. A transmisión das credenciais realízase de forma segura, utilizando o protocolo HTTPS.
A rede wifiusc-web non contempla mecanismos avanzados de seguridade polo que non cifra o tráfico no treito sen fíos. Por este motivo recoméndase o uso de Eduroam, deixando wifiusc-web para aqueles dispositivos que non soporten os protocolos necesarios para conectarse á rede recomendada.
Os parámetros básicos para conectarse a esta rede son os seguintes:
- SSID: wifiusc-web
- Cifrado de datos: deshabilitado
- Limitación de velocidade por usuario: variable (6 Mbps. a xuño de 2024)
- Limitación de servizos: web e web seguro (HTTP e HTTPS)
¿A quen vai dirixida?
A rede wifiusc-web está dirixida á totalidade da comunidade universitaria para un uso puntual e limitado.
Os usuarios de outras institucións que se atopen na USC poderán conectarse a través de Eduroam.
¿Que aplicacións podo utilizar con esta rede?
wifiusc-web soamente permite a navegación web a través dos portos 80/TCP (HTTP) e 443/TCP (HTTPS).
Para utilizar a rede wifiusc-web siga os pasos indicados a continuación:
Localice ás redes sen fíos dispoñibles, co seu xestor de conexión wifi, e prema sobre a rede wifiusc-web.
2. Introduza no seu navegador a URL da páxina que quere consultar
3. Aparecerá un portal cautivo, no que terá que autenticarse introducindo as súas credencias.
Lembre que as credenciáis que debe utilizar son as do Servizo de Directorio. Consulte as páxinas de Identidade se non coñece cales son estas credenciais.
IMPORTANTE: Antes de introducir as súas credenciais comprobe que está conectándose a https://portalwifi.usc.es ou https://portalwifi.lugo.usc.es , e que o certificado do servidor é válido. Esto asegúralle que está enviando as suás credenciais o servidor de autenticación da USC, e non a un servidor falso.
4.- Neste momento xa pode utilizar wifiusc-web para navegar.
Ó rematar, e antes de desconectarse da rede, recoméndase pechar a sesión. Para esto premeremos no boton de Logout na fiestra emerxente que aparecerá tralo proceso de autenticación.
Por este motivo deberanse permitir os pop-ups para este servidor (portalwifi.usc.es)
En Internet Explorer: Herramientas>Opciones de Internet>Privacidad>Bloqueador de elementos emergentes: Permitir "portalwifi.usc.es" e "portalwifi.lugo.usc.es"
En Firefox: Herramientas>Opciones>Contenido>Bloquear ventanas emergentes>Excepciones: Añadir "portalwifi.usc.es" e "portalwifi.lugo.usc.es"
