A Escola Universitaria de Relacións Laborais de Lugo é un centro adscrito á Universidade de Santiago de Compostela. Na Escola impártese o Grao en Relacións Laborais e Recursos Humanos que ten como obxectivo que o graduado, como experto que será no ámbito do traballo e das súas relacións, adquira as competencias necesarias para exercer de xeito adecuado a profesión de graduado social e intervir no deseño e a posta en práctica da estratexia e as políticas de recursos humanos, así como en materia de organización do traballo en todo tipo de organizacións, ademais de asesorar, prestar apoio e emitir ditames no ámbito sociolaboral.