O Coro da Universidade de Santiago de Compostela é un proxecto educativo musical da Área de Cultura da Vicerreitoría de Estudantes e Cultura no que poden participar aquelas persoas que teñan interese en formarse no eido do canto coral.
A USC recoñece a participación no Coro da Universidade a efectos de créditos ECTS, en todas as titulacións de Grao, para o estudantado da USC que estivese matriculado nun grao no momento da súa participación no coro (Acordo do Consello de Goberno do 31-10-2013) e recibirán a tal efecto un certificado de crédito, sempre e cando cumpran coa asistencia ao 80% das horas lectivas do curso, coa seguinte equivalencia: 1 crédito por cada curso de 25 horas de duración (máximo 6 créditos en total).
O Coro da Universidade de Santiago de Compostela fundouse no ano 1979 por iniciativa da vicerreitoría denominada nesa época de “Extensión Universitaria”. A súa posta en marcha foi encomendada a Maximino Zumalave, quen asumiu a dirección ata o ano 1985. Despois, estiveron á fronte da agrupación Xan Viaño, Margarita Guerra, Juan Carlos García Pardo e Juan Carlos Dorgambide. Desde 1999 ata 2022 estivo dirixido por Miro Moreira, profesor de Canto Coral e Formación Vocal da USC.
Desde os seus primeiros anos de andaina compaxinou o repertorio a capella coa interpretación de grandes pezas clásicas da literatura musical como A pequena misa solemne de Rossini, Mesías de Händel, Pequeno libro de órgano de J.S. Bach, Responsorios de tebras de Victoria, Stabat Mater de Haydn, Ceremony of Carols de Britten ou Magnificat de Vivaldi, Missa brevis en Sol, KV 49 de Mozart, os oratorios Jephte e Xonás de Carissimi, Gloria de Vivaldi, Barca di Venetia per Padova de Banchieri, Música Barroca do período virreinal (gravación en C.D conmemorativo da celebración do XXV aniversario do Coro), Misa Dolorosa de Caldara, Las Ensaladas de Mateo Flecha, El tañer con el cantar: cancioneiros de Upsala, Medinacelli e Colombina, Nacións barrocas (escolas barrocas europeas), Dido e Aeneas de Purcell, Membra Jesu Nostri de Dietrich Buxtehude, Luces y cariños en torno a José de Vaquedano, e Música das catedrais de Nueva España, entre outras. Interveu en diversas ocasións nos festivais de ópera da Coruña e, como importante aspecto do seu labor divulgativo, destaca a recuperación de pezas de mestres de capela das catedrais galegas como Melchor López ou Diego de Muelas.
Actualmente, o Coro Universitario está integrado nun proxecto pedagóxico común xunto coa Orquestra da USC, baixo a coordinación do director Mario Diz.
Área de Cultura
- Colexio San Xerome
- Praza do Obradoiro s/n., 15782Santiago de Compostela
- 881 811 018
- 881 811 103
- area.cultura [at] usc.gal
Área de Cultura
- Edificio Intercentros
- Rúa Bernardino Pardo Ouro, s/n. Campus Universitario, 27002Lugo
- 982 821 513
- cultura.lugo [at] usc.es
Novas relacionadas
Aberto ata o 22 de setembro o prazo de inscrición na Orquestra e no Coro da USC para o novo curso
A convocatoria para instrumentistas require o envío dun vídeo, mentres que a selección de voces terá lugar o martes 24 de setembro en Ciencias da Comunicación
Ler máisCoro e Orquestra da Universidade afinan un proxecto pedagóxico común
Os dous colectivos realizaron o pasado 17 de decembro na Igrexa da Universidade a súa primeira actuación conxunta que xa pode verse na canle oficial de YouTube da USC
Ler máisO Coro Universitario selecciona voces para o curso 2023/2024
A audición para a que se debe solicitar praza a través dun formulario en liña, desenvolverase o 26 de setembro, ás 19.30 horas
Ler máis