Adquisicións de abonos e bonos para práctica libre
Os usuarios e usuarias da Área Deportiva da USC poden adquirir abonos e bonos de práctica libre, previo rexistro como persoa usuaria da Área Deportiva da USC.
Os abonos e bonos permiten realizar actividades de práctica libre ou reservas de instalacións a un prezo máis reducido.
Ningún abono ou bono será válido despois do 31 de agosto.
O abono ou bono é persoal e intransferible.
- Os abonos para práctica libre dan dereito a acceder á instalación unha vez ao día por actividade, cando a instalación está aberta, durante un período de tempo determinado.
- Os bonos de entradas facilitan un número concreto destas (5 ou 10) e poden utilizarse ata o 31 de agosto no estadio e ata o derradeiro día de xullo no que a piscina permaneza aberta.
- Os bonos de reserva de instalación facilitan un número concreto de reservas (10) e dan dereito a dispor das instalacións unha hora por cada reserva. Poden usarse nas pistas de tenis ata o 31 de agosto e en bádminton e tenis de mesa ata o 31 de xullo.