Subárea de Planificación de PAS

A Subárea de Planificación de Persoal de Administración e Servizos é unha unidade de apoio técnico á Xerencia para o desenvolvemento da política de PAS, centrando a súa actividade fundamentalmente na planificación dos cadros de persoal, a provisión de postos e selección dos recursos humanos necesarios.

As súas funcións principais son a avaliación das necesidades de persoal, definición dos perfís dos postos, elaboración das propostas de cadros de persoal, elaboración das ofertas de emprego, xestión dos procesos de selección e de provisión de postos e, por último, funcións de apoio e soporte técnico e administrativo aos tribunais de selección e provisión de postos.

Asemade, é competencia do servizo a elaboración de propostas de regulamentación, informes, memorias ou estudos que sirvan de soporte aos órganos de goberno para a toma de decisións, así como facilitarlles a información aos órganos de representación da USC.