05.04.2025
A Área de Cultura da USC promove intervencións escénicas en escaparates do casco histórico de Lugo coa iniciativa 'escaparArte'
EscaparArte, unha iniciativa participativa que propón intervencións artísticas en diversos escaparates do casco histórico da cidade de Lugo, terá lugar o sábado 5 de abril. Esta actividade está incluída dentro da programación da Primavera Cultural e enmárcase dentro da programación artellada ao abeiro do convenio que desenvolven a USC, Cultura e Turismo do Concello de Lugo e a Vicepresidencia da Deputación Provincial de Lugo.