Concurso para promover a utilización do galego nas matemáticas e estimular a creatividade do alumnado cos medios audiovisuais.
Explícoche matemáticas 2.0 é un concurso que convoca a Comisión de Normalización Lingüística da Facultade de Matemáticas, que xa vai pola súa duodécima edición, cuxo obxectivo é promover a utilización do galego como medio de transmisión das matemáticas e estimular a creatividade do alumnado cos medios audiovisuais.
Pode participar o alumnado de 3º e 4º da ESO, de bacharelato e de ciclos de FP dos centros de educación secundaria de Galicia e comunidades limítrofes en grupos cun máximo de tres estudantes dirixidos por un profesor ou profesora.
O obxecto de Explícoche Matemáticas 2.0 son vídeos nos que se aborde un tema relacionado coas matemáticas, cunha duración de entre 1:30 e 2:30 minutos, vehiculados en galego e utilizando calquera recurso multimedia, audiovisual ou artístico.
O prazo para presentar os vídeos está aberto dende o 1 de marzo até o 30 de abril.
Outorgaranse dous premios: un primeiro premio por valor de 400 euros e un segundo premio por valor de 300 euros.
O prazo para presentar os vídeos está aberto dende o 1 de marzo até o 30 de abril. Máis información nas bases do concurso.
Estes son os vídeos gañadores da edición de 2025.
Primeiro premio (350 euros)
Título: Xogando a aproximar Pi
Autora: Antía Fernández Paulos
Titora: Beatriz Alfonsín Galiñanes
Centro: IES Castro Alobre
Segundo premio (250 euros)
Título: A tartaruga de Fleury
Autoras: Adrián Arnoso Bermúdez, Manuel Díaz Sánchez, Saúl López Souto
Titoras: Beatriz Máquez Villamarín (profesora), Pilar López García (cotitora lingüística)
Centro: IES Isaac Díaz Pardo
Estes son os vídeos gañadores da edición 2024:
O primeiro premio, de 300 euros, foi para Julia Rama González co vídeo titulado Por que a raíz cadrada de 2 é un número irracional?
As gañadoras do segundo premio, de 200 euros, foron Alba Albarellos Pose, Noa Otero Calviño e Carla Prieto Loureiro polo vídeo A trigonometría.
O xurado tamén quixo outorgar unha mención a Teo Calo Suárez polo vídeo As matemáticas de Google Maps e máis alá.
Estes son os vídeos gañadores da edición de 2023. Máis información nesta noticia do Xornal da USC.
Carmen Castelo Monteagudo, Inés Prado Justo e Noa Salinas González do IES Isaac Díaz Pardo proclamáronse vencedoras do certame ‘Explícoche Matemáticas 2.0’ co vídeo titulado ‘Cero e os infinitos’.
O segundo galardón foi para Carla Dopazo Pavón e Santiago Vilas Subirán do IESP Eusebio da Guarda polo vídeo ‘Teoría de grafos en 2 minutos’.
O primeiro dos terceiros premio foi para a o vídeo ‘Teoría de grafos’ realizado por Lucía Yáñez Carrasco, Mónica Diz Rodríguez e Mª José Dosil Villavicencio.
O segundo dos terceiros premios foi para Rodicio González do Colexio Santa Teresa de Jesús (Ourense) que fixo unha peza titulada leva por título ‘Domingo Fontán’