A modalidade de acceso para maiores de 40 anos con experiencia laboral e profesional é específico para persoas que acrediten experiencia laboral e profesional relacionada co título de grao que desexen estudar.
As persoas interesadas deben cumprir ou ter cumpridos, 40 anos antes do 1 de xaneiro de 2025, acreditar experiencia laboral e profesional relacionada co grao que se desexa realizar, superar unha entrevista persoal de adecuación da experiencia ao perfil do grao solicitado e non posuír ningunha titulación académica para acceder á universidade por calquera outra vía.