Clausúrase o Máster en Dirección e xestión de comercio exterior da USC

Os 24 estudantes que se gradúan este ano no Máster en Dirección e xestión de comercio exterior da USC recibirán este mércores 20 os seus correspondentes diplomas nun acto que presidirá o reitor Juan Casares Long e ao que asiste a directora xeral de Comercio, Sol Mª Vázquez Abeal. Na cerimonia de clausura, ás 19.00 horas no Salón de Actos da Facultade de Ciencias Económicas e Empresariais, participan tamén a decana do centro, María Emilia Vázquez Rozas, e os co directores do máster, os profesores Miguel Ángel Otero Simón e José Carlos de Miguel Domínguez.