A Facultade de Psicoloxía celebrou a festividade de Juan Huarte de San Juan

A Facultade de Psicoloxía da USC celebrou este venres a festividade do seu patrón, Juan Huarte de San Juan, nun acto no que interviñeron, ademais do reitor, a decana da Facultade de Psicoloxía, Carolina Tinajero; a decana do Colexio Oficial de Psicoloxía de Galicia, Mª Rosa Álvarez Prada; e o vicedecano da Facultade, Dámaso Rodríguez Fernández, que presentou ao catedrático de Personalidade, Avaliación e Tratamentos Psicolóxicos da Universidade de Valencia, José Sánchez Cánovas, encargado de pronunciar a conferencia ‘Psicoloxía e evolución: 200 anos de Darwin’. No acto fíxose entrega ademais das insignias aos premios extraordinarios de licenciatura e doutoramento e expuxéronse pósteres e artigos dos equipos de investigación da Facultade.