A Facultade de Química abre as súas portas á expresión artística

Baixo o lema facultArte, a Facultade de Química abre as súas portas á expresividade artística coa organización dunha exposición pictórica que se inaugura este martes 3 ás 20:00 horas neste centro de Campus Vida.

A mostra, nesta ocasión unha proposta creativa de Mané Boán, permanecerá aberta ata o próximo 13 de maio en horario de 9:00 a 21:45 horas de luns a venres. Organiza a Facultade de Química co patrocinio da Vicerreitoría de Extensión Universitaria, Cultura e Sociedade.