Preséntanse en Lugo unhas xornadas sobre os coidados aos pacientes en situación crítica

O vicerreitor de Coordinación do Campus de Lugo, Carlos Herrero; o presidente do Colexio Oficial de Enfermaría de Lugo, Miguel Fernández; e a directora da Escola Universitaria de Enfermaría, María Asunción Núñez, presentarán este martes 20 ás 12:30 horas no Salón de Graos desa escola universitaria a décimo quinta edición das Xornadas de Enfermaría de Lugo.
O encontro, que se desenvolverá os vindeiros días 22 e 23 de abril no Auditorio da Facultade de Veterinaria, tratará sobre a continuidade e a intensidade dos coidados aos pacientes en situación crítica.