Carlos Costoya presentou na USC o libro 'Anécdotas de farmacéuticos'

Comprender a un cliente que solicita “esa pomada roxa e negra, o trono del Cid” e dispensarlle un envase amarelo e negro de Trombocid implica por parte dos farmacéuticos un destacado labor de interpretación e comprensión. Esta situación de ton cómico é o unha pequena mostra dalgúns dos testemuños directos e experiencias de profesionais de toda España que o xornalista galego Carlos Costoya recolle no libro Anécdotas de Farmacéuticos.
A obra presentouse este venres na Facultade de Farmacia da USC logo de colleitar grande éxito nas librarías de todo o país, nun acto que contou coa presenza do do vicerreitor de Cultura, Elias Torres, e do decano do centro, Juan Torres Labandeira.
Na publicación, editada por Styria, recóllense historias inverosímiles pero confirmadas por decenas de farmacéuticos de distintas comunidades e que xa forman parte do anecdotario colectivo deses profesionais. Doentes na procura de locutorio en lugar de colutorio, supositorios de nitroglicerina, auga esaxerada ou profiterois como ‘sinónimo’ de profilácticos son mostras do que o lector atopará nas páxinas do libro.
Galería de decanosContinuando coa tradición, tamén este venres expúxose publicamente o retrato do anterior decano de Farmacia, José Miñones Trillo, na galería que o centro posúe para tal fin.