Comeza no Campus de Santiago a segunda fase da campaña universitaria de colecta de sangue

A segunda campaña universitaria de doazón de sangue chega a vindeira semana a Compostela, nun intento por relanzar as doazóns entre a comunidade universitaria neste segundo cuadrimestre do curso 2008-2009. Na iniciativa colabora o Servizo de Participación e Integración Universitaria da Vicerreitoría da Comunidade Universitaria e Compromiso Social.
O luns 9 e o martes 10 unha unidade móbil permanecerá diante da Facultade de Farmacia en horario de 9:30 a 14:30 horas e de 15:30 a 21:00 horas. O seu próximo destino será a Escola Técnica Superior de Enxeñaría, o mércores 11, onde permanecerá ao longo de todo o día co mesmo horario.
A derradeira posibilidade para doar a vindeira semana será na Facultade de Xeografía e Historia, onde todas as persoas interesadas poderán dirixirse a Aula 2 deste centro de 10:00 a 14:30 e de 15:30 a 21:00 horas.