O XXI Congreso da Sociedade Galega de Endocrinoloxía premia un estudo da USC

Un estudo do Departamento de Fisioloxía de Medicina da Universidade de Santiago resultou premiado como a mellor comunicación no XXI Congreso da Sociedade Galega de Endocrinoloxía que se celebrou esta fin de semana en Ourense.
A investigación realizada polos doutorandos Pablo Devesa e Pedro Reimunde, coa colaboración dos profesores M. Gelabert, JL. Relova, R. Gallego, V. Arce e Jesús Devesa, demostra que a administración sistémica de hormona de crecemento é capaz de restaurar a normalidade estrutural e funcional no nervio ciático. Os investigadores chegaron a esta conclusión tras a súa sección experimental en ratas nun período de tempo tan curto como oito semanas.
O traballo, cofinanciado pola Asociación para o Proxecto Foltra na que varios dos investigadores citados colaboran desinteresadamente, abre unha nova vía terapéutica no tratamento de lesións neurolóxicas, particularmente na rexeneración nerviosa tras dano.