A Escola de Negocios Uniemprende organiza un seminario sobre 'Dirección de Proxectos (Project Management)'

A Escola de Negocios Uniemprende (ENU), responsable da formación do Programa de Creación de Empresas da USC, organiza o seminario ‘Dirección de Proxectos (Project Management)’ enmarcado no programa de actividades formativas de ENU para o presente curso académico. O prazo de preinscrición remata o vindeiro venres, día 23.
O Project Management estase a converter nunha ferramenta imprescindible para a mellora da competitividade e da eficacia e eficiencia organizativa en tanto que disciplina orientada á xestión de actividades singulares de carácter temporal que maximiza a probabilidade de consecución de resultados a tempo dentro dun orzamento e coa calidade esperada.
Este seminario oriéntase a profesionais de entidades pública e privadas que desexen tomar contacto con esta metodoloxía e adquirir as competencias necesarias para xestión e dirección óptimas de proxectos. Cunha carga lectiva de 16 horas, celebrarase os días 27 e 28 de marzo en horario de 9:30 a 14:30 e de 16:00 a 19:00 horas na Aula de Formación do Edificio Cactus.