O Centro de Transfusión de Sangue empraza unidades móbiles nos Campus de Santiago e Lugo

O Centro de Transfusión de Sangue manterá ao longo da vindeira semana nos Campus de Santiago e Lugo distintas unidades móbiles de doazón.
En Compostela, emprazará o luns 19 e martes 20 unha unidade na Facultade de Ciencias Económicas e Empresariais en horario de 9:30 a 14:30 e de 15:30 a 21:00 horas. O mércores, día 21, será a quenda da Facultade de Química, onde de 10:00 a 14:30 e de 15:30 a 21:00 horas os interesados poderán doar na Sala de Xuntas.
Xa o xoves 22, o Centro de Transfusión de Sangue colocará unha unidade móbil no aparcamento superior das Facultades de Física, Psicoloxía e Ciencias da Educación. Neste caso poderase doar de 9:30 a 14:30 e de 15:30 a 21:00 horas.
Campus de LugoNo Campus de Lugo a unidade móbil estará situada no aparcamento da Escola Politécnica Superior o luns 19 de 15:30 a 21:00 horas, ampliando este horario de martes a xoves tamén de 9:30 a 14:30 horas.