Dous estudantes da USC acadan o quinto posto na modalidade mixta do Campionato Universitario de España de Bádminton

A alumna da Facultade de Farmacia Alba Vilas e o estudante de Química da USC Alejandro Ramos acadaron o quinto posto na modalidade mixta do Campionato Universitario de España de Bádminton que acaba de disputar na Universidade Politécnica de Cartaxena. Asemade, na categoría feminina, a deportista Alba Vilas chegou a cuartos de final pero tivo que abandonar a competición por mor dunha lesión.
Para participar neste campionato estatal, os dous estudantes da USC gañaran con anterioridade o Campionato de Bádminton da Universidade de Santiago celebrado o pasado 9 de marzo nas instalacións do Campus Sur.