Alexandre Veiga, reelixido decano da Facultade de Humanidades de Lugo

O catedrático do Departamento de Lingua Española, Alexandre Veiga Rodríguez, foi reelixido este xoves como decano da Facultade de Humanidades do Campus de Lugo. O único candidato das eleccións recibiu 21 votos a favor dos 35 emitidos, 13 foron en blanco e un nulo. A Veiga compañarao nos vindeiros catro anos de mandato a que xa era secretaria do centro, a profesora de Filoloxía Latina, Concepción Fernández.
Alexandre Veiga aproveitou a ocasión para dirixirse á Xunta de Facultade e comentar algúns dos temas debatidos na recentemente celebrada reunión anual de Decanos de Letras. Especial preocupación amosou polos futuros estudos de grao e a súa estruturación de materias por ramas. Outro dos temas a tratar foi o requirimento de créditos de contido didáctico que habiliten aos alumnos para a concorrencia a oposicións de ensino medio. Como remate, insistiu no seu compromiso coa Facultade e agradeceu a colaboración de todo o persoal.