Toma de posesión da profesora María Teresa Cancelo Márquez como decana da Facultade de Ciencias Económicas e Empresariais
A profesora María Teresa Cancelo Márquez tomará posesión do seu cargo como decana da Facultade de Ciencias Económicas e Empresariais este martes, día 17, nun acto que se vai desenvolver a partir das 13:30 horas no Salón de Graos do Colexio de San Xerome presidido polo reitor da USC, Senén Barro.
María Teresa Cancelo resultou elixida nova decana deste centro compostelán con 55 votos a favor, 51 en contra e un en branco. O resto do equipo decanal estará composto pola profesora Pilar Díaz Vázquez como vicedecana de Asuntos Económicos, polo docente Alejandro Ballesteros Ron como vicedecano de Relacións Exteriores e Intercambios, e a profesora Mercedes Tato Rodríguez como secretaria.
Nun proceso electoral no que tamén participou a profesora María Luisa del Río, a nova decana, profesora do Departamento de Economía Cuantitativa, será a primeira muller que ocupe este posto na Facultade de Económicas substituíndo ao profesor Manuel Jaime Barreiro Gil, con quen foi vicedecana de Organización Académica.