A IV Olimpíada de Tradución de Textos Clásicos celebrouse en Filoloxía

A Facultade de Filoloxía acolleu este xoves a cuarta edición da Olimpíada de Tradución de Textos Clásicos, organizada polas áreas de Filoloxía Grega e Filoloxía Latina da USC, en colaboración coa sección galega da Sociedade Española de Estudos Clásicos (SEEC).

Participaron un total de 94 estudantes, 33 na proba de grego e 61 na de latín, procedentes de centros de ensino secundario de toda Galicia. Os gañadores, que se coñecerán proximamente, recibirán os seus galardóns o vindeiro 25 de abril na Facultade de Filoloxía coincidindo coa celebración dos III Lvdi Compostellani, que terán lugar no mesmo escenario.