Filoloxía celebra o Día Mundial da Poesía coa presentación do libro Secreta sed (Poesía completa 1994-2013), de José Carlos Cómitre

Co gallo do Día Mundial da Poesía, este mércores 21 a Facultade de Filoloxía acollerá a presentación do libro Secreta sed (Poesía completa 1994-2013), da autoría do traballador do centro José Carlos Cómitre Herrera e publicado no selo Follas Novas. O acto será ás 19:00 horas no Salón de Graos da Facultade.

Ademais do propio autor, que lerá poemas da súa autoría, intervirán María José López Couso, María do Cebreiro Rábade Villar, Claudio Rodríguez Fer, Luis Alonso Girgado, así como membros do alumnado da Facultade de Filoloxía.