Francés

O Centro de Linguas Modernas da USC ofrécelles á comunidade universitaria e a todas as persoas interesadas maiores de 18 anos Cursos de francés, adaptados aos diferentes niveis do Marco Europeo Común de Referencia para as Linguas (MECRL).

Teñen unha duración de 50 horas (40 horas lectivas presenciais e 10 de traballo autónomo tutelado) e son de carácter semestral. Tamén se ofrecen cursos intensivos no verán.

A realización dos cursos de francés como lingua estranxeira no CLM dá dereito ao recoñecemento de créditos ECTS nos estudos de grao.

Así mesmo ofrece conversas en liña nos niveis medio e avanzado, para as cales cómpre realizar previamente un test de nivel. Cada inscrición comprende 10 sesións de 60 min de duración cada unha nas que  participa un máximo de 4 alumnos/as. É imprescindible que a imaxe e o son do equipo utilizado sexan de calidade.

Para acreditar os teus coñecementos lingüísticos tes varias vías na USC:

• Aprobar un curso de francés do CLM da USC que complete un nivel do MCERL.
• Presentarte ás probas de competencia lingüística de francés do CLM.
• Achegar un título ou diploma que estea recoñecido pola institución diante da que te debas acreditar.
• Presentarte aos exames externos de francés para os que o CLM é centro examinador en Galicia.

Nos estudos de grao da USC poden recoñecerse créditos por competencias transversais, por exemplo, por actividades de formación en linguas.

A realización dos cursos de francés no CLM dá dereito ao recoñecemento de créditos ECTS nos estudos de grao.