Probas de competencia lingüística

Están abertas a toda a comunidade universitaria da USC e a persoas externas maiores de 18 anos.

• Acceder no CLM a estudos do idioma de nivel superior ao que te presentas.
• Acceder e/ou titularte mestrados e programas de doutoramento na USC e noutras universidades, que poden requirir o coñecemento dun idioma estranxeiro no nivel B1 ou B2, segundo a titulación de que se trate (por exemplo, o Mestrado de profesorado).
• Obter nos estudos de grao o recoñecemento de créditos por competencias transversais en linguas que sexan estranxeiras para ti: dende os 3 ECTS polo nivel B1 ata os 6 ECTS do nivel C2.
• Participar nas convocatorias do programa de mobilidade saínte (outgoing), que esixen que o alumnado acredite o dominio da lingua do país ou universidade de destino nun nivel B1 ou B2.
• Estudar na USC, se vés dun país onde non se fale castelán ou portugués: a USC esixe un nivel B1 de castelán ou galego para acceder aos estudos de grao, mestrado e doutoramento (mobilidade entrante ou incoming).
• Acceder a prazas de profesorado permanente na USC, que esixe un nivel B2 de galego (Celga 3), así como un diploma de español como lingua estranxeira de nivel B2 ou superior (para as persoas procedentes de países que non teñan esta lingua como oficial).
• Acceder a prazas de PAS e PAI que requiran un nivel de idioma estranxeiro.

O alumnado que supere as probas completas de niveis B1, B2, C1 segundo o MECRL poderá solicitar na USC os créditos ECTS correspondentes (3, 4, 5) por acreditación do coñecemento de lingua estranxeira.

Constan de dúas partes. A primeira parte (A) é unha proba escrita que examina a comprensión auditiva, a comprensión lectora e a expresión escrita; a segunda parte (exame B), é unha proba oral sobre a expresión oral, que poderá ser gravada.

Ambas as probas realízanse en días distintos. A proba oral ten unha duración máxima de 20 min e a proba escrita, 3 horas.

A superación do exame A habilita para realizar estadías de mobilidade en programas de intercambio da USC sen necesidade de presentarse á segunda parte da proba (exame B). Porén, non acredita o nivel MCERL.

A superación do segundo exame, o B, que require a aprobación do exame A, si acredita o nivel do MCERL correspondente ante a USC e outras institucións que o recoñezan.

É posible inscribirse só no exame A (para os únicos efectos da mobilidade) ou nos exames A e B dun mesmo nivel, para acreditalo; cómpre superar a proba A para poder realizar a B.

Tamén é posible inscribirse nas PCL de varios niveis da mesma lingua ou nas PCL de varias linguas. Cómpre, en todo caso, comprobar que as probas non coincidan.

B1: Consta de dúas partes. A primeira parte (exame A) consta dunha proba escrita que examina das competencias lingüísticas e comunicativas de comprensión (comprensión auditiva e comprensión lectora); a segunda parte (exame B), é unha proba, que poderá ser gravada, que examina das destrezas comunicativas de expresión (expresión escrita e expresión oral).

B2: Consta de dúas partes. A primeira parte (exame A) consta dunha proba escrita que examina das destrezas comunicativas de comprensión (auditiva e lectora) e de expresión escrita; a segunda parte (exame B), que poderá ser gravada, consta dunha proba que examina das destrezas de oralidade (comprensión, expresión e interacción oral).

Ambas as probas realízanse en días distintos. A proba oral ten unha duración máxima de 20 min e a proba escrita de 3 horas.

A superación do exame A habilita para realizar estadías de mobilidade en programas de intercambio da USC sen necesidade de presentarse á segunda parte da proba (exame B). Porén, non acredita o nivel MCERL.

A superación do segundo exame, o B, que require a aprobación do exame A, si acredita o nivel do MCERL correspondente ante a USC e outras institucións que o recoñezan.

É posible inscribirse só no exame A (para os únicos efectos da mobilidade) ou nos exames A e B dun mesmo nivel, para acreditalo; cómpre superar a proba A para poder realizar a B.

Tamén é posible inscribirse nas PCL de varios niveis da mesma lingua ou nas PCL de varias linguas. Cómpre, en todo caso, comprobar que as probas non coincidan.

As probas de competencia lingüística de galego e de español son únicas para examinar das catro destrezas. Constan de: proba de comprensión lectora, proba de comprensión auditiva, proba de expresión escrita (en conxunto, 3 / 3,5 horas, aproximadamente) e dunha proba de expresión oral (15 minutos de preparación + 10/15 minutos de exame oral)

Probas B1 de español e galego

• Exame de comprensión lectora. 3 tarefas de comprensión lectora: 1 tarefa cun texto con preguntas de comprensión, de elección múltiple; 1 tarefa con varios textos para relacionar e 1 tarefa cun texto con ocos, con preguntas de elección múltiple de gramática e vocabulario.
• Exame de comprensión auditiva. 3 tarefas de comprensión auditiva: 1 tarefa con audicións curtas -mensaxes, anuncios ou noticias- e preguntas de elección múltiple, 1 tarefa cun texto expositivo máis longo con preguntas de elección múltiple e 1 tarefa cunha conversa para relacionar quen dixo que.
• Exame de expresión escrita. 2 tarefas de expresión escrita: 1 tarefa na que se contesta a un correo electrónico e 1 tarefa -con dúas opcións- para escribir un texto nun blog ou foro.

Duración aproximada dos tres exames escritos: 3 horas.

• Exame de expresión oral. 2 tarefas de expresión oral: 1 tarefa con dúas opcións na que se fará unha exposición sobre un tema preparado previamente e 1 tarefa na que se conversará co entrevistador sobre ese tema.

Duración do exame oral: 15 minutos de preparación + 10/15 minutos de exame oral.

Probas B2 de español e galego

• Exame de comprensión lectora. 3 tarefas de comprensión lectora: 1 tarefa cun texto con preguntas de comprensión, de elección múltiple; 1 tarefa con varios textos para relacionar e 1 tarefa cun texto con ocos, con preguntas de elección múltiple de gramática e vocabulario.
• Exame de comprensión auditiva. 3 tarefas de comprensión auditiva: 1 tarefa con conversas breves e preguntas de elección múltiple, 1 tarefa cun texto expositivo máis longo e preguntas de elección múltiple e 1 tarefa cunha conversa para relacionar quen dixo que.
• Exame de expresión escrita. 2 tarefas de expresión escrita: 1 tarefa na que se escribirá unha carta relacionada cunha audición previa e 1 tarefa -con dúas opcións- para escribir un texto nun blog, foro, xornal ou revista.

Duración aproximada dos tres exames escritos: 3 horas e media.

• Exame de expresión e interacción oral. 2 tarefas de expresión oral: 1 tarefa con dúas opcións na que se fará unha valoración sobre unhas propostas preparadas previamente e unha conversa co entrevistador sobre o tema, e 1 tarefa na que se describirá unha situación imaxinada a partir dunha fotografía e se conversará sobre ela.

Duración do exame oral: 15 minutos de preparación + 15/20 minutos de exame oral.