A académica cubana Ana María González ofrece en Humanidades o relatorio ‘Desde a Habana, palabras e piropos’

A doutora en Ciencias Filolóxicas e Máster en Lingüística Hispánica, Ana María González Maduf, que tamén é membro da Academia Cubana da Lingua e correspondente en Cuba da Real Academia Española, ofrecerá este xoves, a partir das 11.00 horas, no salón de graos da Facultade de Humanidades do campus de Lugo, o relatorio ‘Desde a Habana, palabras e piropos’.

O relatorio ofrecido de González Maduf, organizado pola Cátedra de Cultura Cubana ‘Alejo Carpentier’ da USC, que dirixe a profesora Ana Gloria Chouciño, servirá asemade para presentar o volume ‘De Lezama Lima a Severo Sarduy: Lenguaje neobarroco en Cuba’, unha obra que vén de incorporarse á Biblioteca da Cátedra de Cultura Cubana ‘Alejo Carpetier’ da USC e da que son coautores Ana María González Maduf e Luis Álvarez Álvarez.