Inauguración do centro de interese ‘Roma. Mirando o Imperio’ na Biblioteca Intercentros

A Biblioteca Intercentros do campus de Lugo da USC súmase aos actos organizados co gallo da celebración do Arde Lucus coa apertura dun centro de interese titulado ‘Roma. Mirando o Imperio’, conformado por preto de medio centenar de volumes.

A directora da Biblioteca Intercentros da USC, Julia Cantalapiedra, inaugurará este novo centro de interese, que permanecerá aberto ao público no vestíbulo das dependencias bibliotecarias ata o vindeiro 28 de xuño, no marco dun acto que se desenvolverá a partir das 13.00 horas no que tamén intervirá como relatora a profesora do Departamento de Historia Antiga da USC na Facultade de Humanidades, Dolores Dopico Caínzos.