A Xornada da Sociedade Galega de Neuropsicoloxía celebrarase a finais de mes en Psicoloxía

A segunda Xornada da Sociedade Galega de Neuropsicoloxía celebrarase na Facultade de Psicoloxía da USC o día 25 de setembro, contando co recoñecemento de interese sanitario da Consellaría de Sanidade da Xunta de Galicia. A finalidade do encontro é a actualización e debate, tanto dende unha perspectiva profesional como científica, en distintos ámbitos de actuación da neuropsicoloxía como son o escolar, o do dano cerebral adquirido, dos transtornos mentais severos e do avellentamento. Intervirán como relatores especialistas en cada dun destes eidos procedentes tanto de Galicia como de fóra. Todas as persoas interesadas en obter máis información sobre este encontro poden dirixirse á profesora Dolores Rodríguez Salgado (dolores.rodriguez [at] usc.es (dolores[dot]rodriguez[at]usc[dot]es)).