Estudan cómo acadar unha economía sustentable na que o crecemento económico se desacople do impacto medioambiental

Unha trintena de investigadores de varias institucións europeas reúnense esta semana na Facultade de Ciencias Económicas e Empresariais de Santiago para avanzar nos obxectivos do Proxecto SPREE (Política de servicizing para unha economía recurso-eficiente) do que a USC forma parte. Esta é quinta xuntanza do proxecto, que esta vez organiza o Grupo de investigación ICEDE (Innovación, cambio estrutural e desenvolvemento) coordinado por Xavier Vence. O obxectivo do Proxecto SPREE é identificar potenciais programas de políticas de servicizing (vender a función dun produto ou do servizo que proporcione máis que o produto físico) para establecer sistemas que faciliten unha transición da venta de produtos á prestación de servizos nos sectores da auga, mobilidade e agroalimentario. Trátase de aproveitar as sinerxías existentes para acadar unha verdadeira economía sustentable, onde o crecemento económico se desacople do impacto medioambiental, ao tempo que se acadan obxectivos sociais como o incremento da calidade de vida. O consorcio internacional que forma SPREE consta de dez socios de sete Estados Membro e Países Asociados (Reino Unido, Suecia, Países Baixos, España, Lituania, Finlandia e Israel), todos coordinados polo Consello de Investigación de Lituania.