Traballos presentados

Resumo
Este traballo dedicase á análise da definición e das posibles formas de transmisión da herdanza dixital. Está motivado polo interese que suscita este tema, dada a tendencia ascendente da creación da nova xeración de contidos e archivos dixitais resultantes da interacción en liña en múltiples aspectos da vida cotiá. Configurouse en base a perceptiva revisión bibliográfica da normativa legal e de diferentes publicacións e textos xurídicos de expertos. Inclúense tamén algunhas valoracións publicadas en blogs e páxinas webs de avogados e notarios de exercicio. Durante este traballo podremos coñecer que é a herdanza dixital, que activos a compoñen, o concepto de identidade dixital e a relevancia, cada vez maior, que teñen os bens dixitais que a conforman. Tratarei de explicar que acontece con todos eses bens dixitais no momento que o causante falece, e que suxeitos están lexitimados para encargarse deles e das instruccións que o causante deixe para despois da súa morte. Ademais, analizarase a forma na que se transmite o patrimonio dixital e toda a problemática que recolle o termo do testamento dixital.

Dirección
MADRIÑAN VAZQUEZ, MARTA (Titoría)

Tribunal
MADRIÑAN VAZQUEZ, MARTA (Titor do alumno)

Resumo
Este traballo céntrase na análise de diversos aspectos relacionados coa regulación do tempo de traballo, os descansos e as vacacións no marco laboral español, tanto dende unha perspectiva normativa coma xurisprudencial, tendo moi en conta tamén a negociación colectiva. Examínase como a lexilación española evolucionou historicamente para establecer límites claros sobre a xornada laboral máxima, tomando como referencia o marco constitucional actual. Tamén se abordan distintas categorías de tempo dentro da xornada laboral como o tempo de traballo efectivo, tempo de dispoñibilidade e descanso. Neste sentido, discútense casos específicos, como as pausas para ir ao baño ou os cambios de turno. O traballo tamén explora as regulacións sobre os tempos de descanso, incluindo descansos breves durante a xornada, descanso diario e semanal, así como as vacacións anuais retribuídas. Examínanse as disposicións nacionais e as europeas, en concreto, a Directiva 2003/88/CE. Finalmente, trátase sobre a recente proposta de reducir a xornada laboral máxima semanal a 37,5 horas, anunciada en decembro de 2024.

Dirección
Alvarez Gonzalez, Teresa Eva (Titoría)

Tribunal
MELLA MENDEZ, LOURDES (Presidente/a)
VILLALBA SANCHEZ, ALICIA (Secretario/a)
FERREIRO REGUEIRO, MARIA CONSUELO (Vogal)

Resumo
Este Traballo de Fin de Grao analiza os factores determinantes na elección de especialidade médica dentro do sistema de formación MIR en España. A través do estudo dos datos de adxudicación de prazas entre 2020 e 2023, identifícanse tendencias crave que reflicten a influencia de aspectos académicos, vocacionais e estruturais na toma de decisións dos aspirantes. Examínanse as especialidades máis e menos demandadas, a distribución por xénero na elección de especialidade, o impacto da localización xeográfica na selección de praza e o efecto das políticas de incentivo na cobertura de áreas críticas como Medicina Familiar e Comunitaria. A análise baséase nunha metodoloxía cuantitativa, empregando ferramentas como Excel e PowerBI para a visualización de datos. Os resultados revelan que especialidades altamente competitivas, como Dermatoloxía e Cirurxía Plástica, manteñen unha adxudicación temperá debido ao seu prestixio e condicións laborais favorables. En contraste, especialidades cunha maior carga asistencial e menor recoñecemento social, como Medicina de Familia, presentan unha menor demanda a pesar do incremento na oferta de prazas. Ademais, o estudo mostra unha tendencia persistente na diferenciación por xénero na elección de especialidade e unha relación significativa entre o prestixio hospitalario e a preferencia dos aspirantes. As conclusións deste traballo destacan a importancia de implementar estratexias que equilibren a distribución de especialistas no sistema sanitario, promovendo incentivos adecuados para as especialidades menos demandadas e asegurando unha cobertura eficiente das necesidades de saúde en España.

Dirección
FERREIRO SEOANE, FRANCISCO JESUS (Titoría)

Tribunal
FERREIRO SEOANE, FRANCISCO JESUS (Titor do alumno)

Resumo
O presente traballo ten como fin analizar a figura dos banqueiros e a súa implicación nos contratos e negocios bancarios existentes na antiga Roma. Ao longo do estudo, examínanse as características e requisitos que deben cumprir os banqueiros, así como o labor que estes desempeñan nas distintas actividades bancarias. De igual forma, leva a cabo unha análise do emprego dos libros contables como ferramentas importantes para o rexistro das diversas actividades bancarias, así como o papel que desempeña a confianza nas relacións existentes entre o banqueiro e o seu cliente. Ademais, abórdase o tema relativo ás obrigacións dos banqueiros e a eventual responsabilidade que xorde destas relacións. Tamén se analizan brevemente os contratos e negocios bancarios máis comúns: o mutuo, o constitutum, o receptum argentarii. Unha atención especial dedícase ao contrato de depósito, nas súas diferentes variantes, e tamén á poxa. Esta análise permite reflexionar sobre como as prácticas bancarias da antiga Roma sentaron as bases de principios financeiros que aínda hoxe rexen as institucións bancarias modernas, subliñando a vixencia de conceptos como a confianza e a transparencia.

Dirección
SIXTO DA SILVA, MARIA ESPERANZA (Titoría)

Tribunal
SIXTO DA SILVA, MARIA ESPERANZA (Titor do alumno)

Resumo
Os Testigos de Jehová rexeitan as transfusións de sangue baseándose nunha interpretación bíblica, chocando esta decisión co seu dereito á vida. Esta postura resulta polémica, sobre todo cando afecta a menores de idade, e refírese a situacións de grave risco para a saúde. No presente traballo realízase unha análise dos dereitos afectados, ponderando cal prevale en cada situación e ata onde se pode limitar o seu exercicio, atendendo principalmente ao criterio da autonomía da liberdade. Garantir a liberdade é o criterio preferente, con todo, cando se trata de menores en risco grave debe priorizarse o seu interese superior prevalecendo o dereito á vida e á asistencia sanitaria do menor sobre as conviccións relixiosas.

Dirección
OTERO PARGA, MILAGROS MARIA (Titoría)

Tribunal
OTERO PARGA, MILAGROS MARIA (Titor do alumno)

Resumo
A retórica é un arte que se practica dende o inicio dos tempos do ser humano racional. Este arte na actualidade moi pouco estudiado é unha gran ferramenta de poder para os operadores xurídicos contemporáneos. Dentro deste traballo trátase de entender a importancia da aplicación que ten a retórica sobre os operadores xurídicos. Para chegar ao fin desexado é importante coñecer os fundamentos do tema, xa que a retórica vai estreitamente ligada á argumentación xurídica e unha precisa da outra para complementarse e chegar ao fin que se persegue, que sempre ten que ser a xusticia. Esta arma de poder chamada retórica é tratada dende a antigua Grecia por grandes filósofos como Platón, Aristóteles, Cicerón, entre outros. Pero aínda no século XX, segue sendo un tema estudiado por filósofos como Charles Perelman, Robert Alexy. Na actualidade a filosofía do dereito dentro das facultades de dereito cada vez ten menos presencia. A argumentación xurídica e a retórica que son artes que se practican dende fai moito tempo, pero na actualidade están perdendo forzas debido a que non se fomenta o seu estudio dentro das aulas das universidades, cando en realidade estas dúas señoras cando se unen teñen un poder de convición moi alto, algúns chámano manipulación psicolóxica, pero outros o entendemos como a condución da alma cara a xusticia. Como todo neste mundo, temos unha vertente positiva da retórica que é a xa mencionada, aquela que ten como objexectivo final a búsqueda da verdade e a aplicación da xusticia, pero tamén ten a súa parte negativa, xa que, qué pasa si alguén a usa para facer o mal? Por iso é de suma importancia saber identificar con qué intención se está a aplicar este arte

Dirección
OTERO PARGA, MILAGROS MARIA (Titoría)

Tribunal
OTERO PARGA, MILAGROS MARIA (Titor do alumno)

Resumo
Este Traballo Fin de Grao aborda a evolución e relevancia contemporánea da argumentación xurídica, elemento central no exercicio do dereito desde a antigüidade ata a actualidade. Ao longo da historia, a argumentación xurídica foi evolucionando dende as súas raíces na retórica clásica, pasando polas grandes achegas de autores como Aristóteles, Cicerón e, en tempos máis recentes, Ronald Dworkin ou Robert Alexy. A pesar dos avances tecnolóxicos e da crecente influencia da intelixencia artificial no ámbito xurídico, a capacidade de argumentación segue sendo insubstituíble para a interpretación, aplicación e defensa do dereito. O estudo destaca como a argumentación xurídica segue a ser un piar fundamental para garantir decisións xustas e equitativas nun contexto global cada vez máis complexo e tecnolóxico. Ademais, explorase o seu papel na protección dos dereitos fundamentais, destacando a importancia dun enfoque humanístico e ético no exercicio do dereito.

Dirección
OTERO PARGA, MILAGROS MARIA (Titoría)

Tribunal
OTERO PARGA, MILAGROS MARIA (Titor do alumno)

Resumo
O propósito deste traballo é o acercamento e retrospectiva dos movementos migratorios previos, as medidas adoptadas para paliar o dito suceso e solucións socio-xurídicas e de seguridade no contexto do século vinteún. Achegamos xustificacións xurídicas no marco do dereito internacional e estatal para fundamentar non só desde a óptica teórica senón tamén desde a epistemolóxica.

Dirección
FERNANDEZ RODRIGUEZ, JOSE JULIO (Titoría)

Tribunal
FERNANDEZ RODRIGUEZ, JOSE JULIO (Titor do alumno)

Resumo
A través deste Traballo de Fin de Grao desenvólvense as competencias das representantes das traballadoras para a protección dos dereitos laborais dentro da empresa, a través da regulamentación do Estatuto dos Traballadores, outras normativas, xurisprudencia e doutrina. Faise especial mención á protección fronte ao acoso sexual e o acoso con razón de sexo: como detectalo e como actuar fronte a el a travésdas ferramentas sindicais.

Dirección
MIRANDA BOTO, JOSE MARIA (Titoría)

Tribunal
MIRANDA BOTO, JOSE MARIA (Titor do alumno)