Máster Universitario en Estudos Internacionais

Non se contempla

Créditos que deberá cursar o alumno para obter a titulación:
Créditos Obrigatorios 36;
Créditos Optativos 12;
Traballo Fin de Máster 12;
Créditos Totais 60;

As facultades contan coa colaboración de varios profesores que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

Porase a disposición dos estudantes, na medida en que o requiran, un sistema de titorías, por parte do profesorado do Máster, para orientarlos sobre o seu funcionamento e ao que poderán acudir en caso de requiriren algún tipo de asesoramento ou orientación

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: criterios xerais

Titulacións por orde de preferencia:

1º) Cota de prazas titulacións preferentes:
a) 25 prazas Licenciatura ou Grao en Dereito e Ciencias Políticas e da Administración
b) 10 prazas Licenciatura ou Grao en Historia, Humanidades, Economía, Xornalismo, Xeografía, Administración e Dirección de Empresas, Socioloxía, Filoloxías, Diplomaturas en Xestión e Administración Pública, Relacións Laborais

2º) Outras titulacións universitarias e estranxeiros: 5 prazas

Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B2, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido

Información actualizada en cada convocatoria de matrícula

- Desenvolver capacidades de comprensión e análise da realidade internacional desde unha perspectiva crítica.
- Capacidade para aplicar os coñecementos adquiridos en novos contextos, identificando os problemas que se poidan suscitar e formulando posibles solucións imaxinativas.
- Fomentar a capacidade para facer fronte a diferentes situacións que se poidan suscitar na realidade internacional, tomando as decisións que se requiran, aínda cando a información dispoñible sexa incompleta ou limitada.
- Impulsar nos estudantes a capacidade para traballar en equipo, especialmente no caso de se tratar de grupos de carácter multidisciplinar.
- Promover a capacidade de comunicación oral e escrita das conclusións obtidas da análise de problemas ou situacións concretas da realidade internacional dun modo claro a público especializado e non especializado.
- Fomentar o recoñecemento da diversidade e da multiculturalidade propias da sociedade internacional contemporánea.
- Espertar no estudante un compromiso claro cara aos temas da realidade política, económica e social da súa contorna, do que non pode permanecer alleo á hora de formular os seus xuízos ou tomar decisións.
- Habilidades no uso das tecnoloxías da información e da comunicación aplicadas ao ámbito dos estudos internacionais (bases de datos de análises da realidade internacional, procura de xurisprudencia e lexislación internacionais...)
- Suscitar no estudante un interese polos estudos internacionais que lle permita continuar a súa formación no futuro con carácter permanente e de forma autónoma.

- Profundar na análise dos principios, estrutura e funcionamento da sociedade internacional contemporánea, así como do seu ordenamento xurídico.
- Profundar no coñecemento das principais institucións internacionais, tanto de ámbito universal como rexional, así como dos principais mecanismos de solución de conflitos na sociedade internacional contemporánea.
- Profundar no coñecemento do funcionamento da realidade económica internacional e dos seus principais mecanismos e institucións.
- Comprender adecuadamente a interrelación existente entre os fenómenos políticos, sociais, económicos ou culturais, entre outros, na análise dos problemas e cuestións internacionais.
- Utilizar os valores de liberdade, igualdade, solidariedade, tolerancia, respecto ao medio ambiente e responsabilidade colectiva na análise das relacións internacionais, con especial atención á promoción do respecto dos dereitos humanos -especialmente, a igualdade de homes e mulleres-, dos principios democráticos e dunha cultura de paz.
- Percibir a interrelación existente entre as diferentes disciplinas científicas (Dereito Internacional, Relacións Internacionais, Economía, Historia) que analizan a realidade internacional e polo de relevo na práctica.
- Desenvolver a capacidade de razoamento e argumentación sobre os principais problemas e intereses que afectan á sociedade internacional contemporánea cunha conciencia crítica e na que se integren as diferentes perspectivas de análises.
- Capacidade para aplicar criterios de investigación científica no ámbito dos estudos internacionais.